(Martes 20/04/2021).- Suyuchiqpaq bicentenario wata yuyariypi, hinallataq kunanwan iskay wataña Indecopi kuska Asociación de Bodegueros del Perú (ABP) nisqawan llallinakuy “Mi Bodega Favorita 2021” nisqata riqsirichin.
Chaypi maskharichkanku riqsiriyta sasapacha bodegueruq llankayninta, pikunachus yuyaychakurqan, hapikurqan chay protocolos de bioseguridad nisqakunata coronavirus unquy rayku, mana rantikuq runa unqunankupa.
"Mi Bodega Favorita 2021" nisqawan Indecopi maskharichkan rikurichiyta, Perú suyupi bodegerukunaq sumaq llankayninta, kay sasa pacha kawsay covid unquy rayku tarikuypi, pikuna protocolos de bioseguridad nisqakunata yuyaychakuq, hapikuq mana rantiq runakunaq dirichunkunata saruspa hinallataq mana unqunapaq.
Llallinakuy waykunapaqa, tukuy Perú suyupi bodegayuq runakunaqa, kay mañarikuykunata huntarinanku:
Bodegaqa kanan formal hinallataq constituida nisqa. Chaymantapis kanan RUC utaq RUS activo nisqayuq.
kanan licencia de funcionamiento vigente nisqayuq, chaypi ruwayninkuna qhawarikunan.
Qhawarichinanku, medidas de prevención nisqa covid unquy rayku, yuyaychakusqanta, hapikusqanta, imayna Ministerio de Salud (Minsa) kamachikuyninman hina.
Churananku, ruwananku, astawan sumaqta rantiq runakunata chaskirinankupa. Llapan runakuna astawan chay llallinakuymanta riqsiriyta munankuman hinaqa, kayman haykurinanku: www.gob.pe/mibodegafavorita
Kayhinatan llallinakuyqa aparikunqa
Bodegayuq runakunaqa mañarikuyta huntaqtin llallinakuymanqa chiqaqta haykuyta atinqaku. Rantikuq runakunapis munasqa bodegankunataqa llallinakuymanqa haykuchiyta atinqaku, iskay chunka kimsayuq punchay marzu killamanta qanchis punchay mayu killakama. Chaypaqmi, kayman haykurinanku: https://forms.gle/5F1KsaDXJ7CxLWw86
Atipaq aqllanapapqa, runakunaqa munasqa bodeganta aqllayta atinqaku, chaypaqmi Indecopiq redes sociales nisqapi enlace nisqa kicharikunqa, iskay chunka pichqayuq punchay mayo killamanta kimsa chunka punchay junio killakama.
Hinaspataq, huk punchay julio killamanta chunka tawayuq punchay julio killakama akllarikunqa atipaqkunata. Huk atipaq sapa regionmanta kanqa, aqllarikunqa atipaqtaqa runakunaq vutunman hina.
Tukurinapaq, chunka isqunniyuq punchay julio killamanta iskay chunka kinsayuq punchay julio killakama, Indecopi quyrunqa riqsinakunata llapan llalliq bodeguerukunaman, chay riqsinakuna kanqa:
Indecopi huk simbolo de reconocimiento nisqata quyrunqa sapanka atipaq bodeguerokunaman.
Asociación de Bodegueros del Perú nisqapis riqsirillanqataq. Sapanka atipaq bodeguerokunawan huk videuta ruwakunqa, chayta Indecopi plataformas digitales nisqaman churarinanpa.
Chaymanta ama qunqasunchu, Asociación de Bodegueros del Perú (ABP) nisqa, atipaq vutupi bodegueruman waranqa solesta (S/ 1 000) haywarinqa.
Perusuyun bodeguerokuna
Hatun umalliq “Asociación de Bodegueros del Perú” niskamanta, Wiracocha Andres Choy nin. Perusuyupi kan 535 000 bodegakuna, chaykunamanta, 150 000 bodeguerukunaqa tarikun Limapi: “Ichaqa warmikunan hastawan bodegakunataqa humallisqaku”.
2020 huata tuquranipaq, rikurikusqa bodeguerokunaq qhatu kutiriyninta. Hinallataq. IPSOS Peru nin: 73% bodegakuna Peru suyunchis, conectakun internetman, 37 % ruwanku tramites bancarios niska aplicativos niskawan utaq internetwan, 47 % kashanku bancarizados, hinallataq 14 % utilizanku wak herramientas digitales nisqakunata.